nas linguas románicas
Barcelona, 07 - 10 maio 2008
presentación |
| organización |
| programa |
| propostas de comunicación |
| inscrición |
| informacións prácticas |
Presentación de comunicacións
Publicación de comunicacións e pósters
Prazo máximo de presentación de propostas de comunicacións: 31 de decembro de 2007
O Comité organizador comprácese en convidar a tódalas persoas interesadas en presentar comunicacións no I Congreso Internacional de Neoloxía nas linguas románicas (I CINEO 2008) a escribir sobre os seguintes temas:
- Aspectos teóricos sobre neoloxía
- Metodoloxía do traballo en neoloxía
- Recoñecemento e clasificación de neoloxismos
- Aspectos sociais e sociolingüísticos dos neoloxismos
- Gramática e neoloxía
- Tratamento automático da neoloxía
- Neoloxía e linguas minoritarias ou minorizadas
- A neoloxía nas diferentes linguas románicas: estudos descritivos e contrastivos
- Aspectos cognitivos e comunicativos da neoloxía
- Presentación de proxectos e actividades neolóxicas (sesión de pósters)
Linguas do congreso
Os resumos poderanse presentar en calquera das linguas románicas.
Presentación de comunicacións
As presentacións individuais deberán durar un máximo de 30 minutos, logo do cal se prevén 10 minutos para unha rolda aberta de preguntas. As comunicacións aceptadas para seren presentadas en formato póster dispoñerán dun espazo para a exposición ao público e dun tempo de discusión para favorecer o diálogo entre autores e asistentes ao congreso.
Proceso de envío de resumos
Os resumos non deben superar os 2500 caracteres (~300-350 palabras) e deben ser enviados á organización electronicamente mediante o formulario de envío de resumos.
Tódalas propostas de comunicacións serán avaliadas por tres membros do Comité científico. Ao longo do mes de febreiro de 2008 comunicaranse os resultados da avaliación a aquelas persoas que figuren como autoras da comunicación. Aquelas que reciban unha avaliación positiva terán que formalizar a inscrición ao I Congreso Internacional de Neoloxía nas linguas románicas para pode-la presentar.
Publicación de actas
Tense prevista a publicación das actas cos textos das conferencias, mesas redondas, comunicacións e pósters.
Para a publicación das actas, os autores de tódalas comunicacións aceptadas deberán entregar durante o congreso a versión definitiva do texto en formato electrónico, que se ha de axustar ás normas de estilo fixadas pola organización.
Soporte técnico
Tódalas salas do Institut d'Estudis Catalans, onde se levarán a cabo as sesións do I Congreso Internacional de Neoloxía nas linguas románicas, dispoñen dun ordenador con PowerPoint e dun proxector. En caso de precisares calquera outro aparello ou soporte técnico, poñédevos en contacto coa organización (observatori.neologia@upf.edu) tan axiña como sexa posible indicando cales son estes requirimentos técnicos.
|
